GazteBizz

Euskara ikasi nahi? Aspaldian zabiltza euskara ikasi nahian eta inoiz ez da une egokia? Bada, orain bai. Ez ezazu euskara ikasteko aukera galdu eta anima zaitez. Bai ikasturtean zein udan ere hainbat ikastaro jartzen dira abian. Aprobetxa ezazu aukera berria eta murgil zaitez euskararen munduan!

Zer da Euskaltegi bat?

Euskaltegi bat ikasle helduek euskara ikasi eta lantzen duten zentroa da. Zentro horietan ematen diren euskara ikasketak mota ezberdinetakoak dira. Ondorengo ikasketa motak daude:

• Eskola-ikastaroa: astelehenetik ostiralera izaten dira eskolak, goizez, arratsaldez edota gauez. Modulu eta erritmo ugari daude (ordu eta erdi, bi ordu...). Ohikoena astean 10 ordu irauten duena da.
  
  
• Ikastaro trinkoak: astelehenetik ostiralera izaten dira, baina iraupena egunean 4 edo 5 ordukoa da.
  
  
• Ikastaro bereziak: enpresa, erakunde, eskola, denda edota beraien lantokietara euskara gerturatu nahi duten beste edozein talderi zuzendutako ikastaroak dira.
  
  
• Udako ikastaroak: uztailean eta irailean izaten dira.
  
  
• Barnetegiak: egitarau horietan ikasleak eguneko 24 orduak giro euskaldunean, bai eskoletan eta baita horietatik kanpo ere, igarotzen ditu. Horrela, egun osoz hitz egiten du euskaraz. Hizkuntza-eskakizuna: Administrazio Orokorreko (IVAP) edo irakaskuntzako (IRALE) postuetan lan egiteko behar den euskara azterketa gainditzeko antolatzen diren ikastaroak dira.
  
  
• Multimedia bidezko autoikaskuntza sistemak: euskara etxetik ikasteko aukera eskaintzen dute.
  

Euskaltegi sarea

HABEko web orrialdeak duen bilatzailean duzu ikusgai. Zerrenda horretan euskaltegi publikoak, pribatuak eta autoikaskuntza zentro homologatuak daude.

Euskaltegiak bi motatakoak izan daitezke: publikoak eta pribatuak.

• Publikoak:eskola horiek udalen menpe daude. Udal Euskaltegiak bezala dira ezagunak.
  
  
• Pribatuak: entitate partikularren esku dauden zentroak dira. Homologatuak eta libreak izan daitezke.